Rrëmbimi i Kozak Braçit i njohur ndryshe si “mbret ii Instagram-it” bëri bujë të madhe pak kohë më parë, me gjithçka që ndodh “live” në rrjetet sociale.
Ishin familjarët e Kozak Braçit ata që e raportuan rrëmbimin në polici, ndërsa u mësua se personat që ishin të përfshirë ishin miqë të Fabio Dushkut.
Ky i fundit ka reaguar në një intervistë telefonike në emisionin “Shqipëria Live” dhe ka treguar se njeh njerëzit e Kozak, pas ii ka pasur në burg. Dushku i ka kërkuar falje nënës së Kozakut dhe ka thënë se rrjetet sociale janë një gjë jo e mirë për rininë.
“Njerëzit e Kozak i njoh. Kam pasur në burg disa kushërinj të tij. I kërkoj falje nënës së tij, por ai i kaloi çdo limit njerëzor. Unë jam në një botë tjetër, e ai merret me “Instagram”. Nuk e ka të gjithë fajin ai, se edhe atë e kanë shtyrë. Rrjetet sociale janë një gjë jo e mirë për rininë, ku duan të tregojnë se janë të fortë”, tha Dushku.
Ai refuzoi ta quante atë që ndodhi një rrëmbim dhe tha se shokët e tij “i dhanë dy shpulla” Kozakut që të mos e vriste ndonjë nga fisi. Dushku deklaroi se ajo që ndodhi u bë gabimisht publike, pasi “nuk tregohen dhëmbët në internet”.
“Ça rrëmbimi, se na kanë çmend. Rrëmbimi bëhet për lek, e çojnë në mal dhe e vrasin. Atë e morën në makinë, i dhanë 5 shpulla. Që të mos ngrihej ndonjë nga fisi që ta vriste, shokët i dhanë dy shpulla. Dhe ajo u bë gabimisht publike, se shokët e mi duke parë ato çfarë ka bërë ai, nga adrenalina u futën live. Unë tani nuk jam shok me atë, po njerëzit i tij i kam miq kemi ngrënë në një pjat në burg. Rrjete sociale une s’kam se jam në burg, i përdor vëllai, im. Nuk tregohen dhëmbët në internet”, tha ai.
