Mjaftuan dy orë reshje të dendura shiu, që qyteti i Shkodrës të përmbytej!
Reshjet pa pushim kanë pushtuar rrugët kryesore të qytetit, pedonalen, dyqanet, madje dhe spitalin.
“Ballkanweb” raporton se degradimi i tarracës së spitalit, por edhe problemet me kanalizimet e rrugëve, kanë shkaktuar përmbytjen e katit të parë të spitalit. Menjëherë personeli i spitalit, u angazhua për të tharë ujin në korridore.
Deri më tani, nuk janë raportuar dëme materiale dhe situata po rikthehet drejt normalitetit. Reshjet e dendura të shiut do të vijojnë deri ditën e enjte, sipas meteorologëve. Ndërkohë që ata që janë në pushime buzë detit nuk duhet të shqetësohen, pasi në zonat bregdetare nuk do të ketë reshje shiu.
