Fizikanti i njohur Stephen Hawking i është përgjigjur pyetjes që një studenti shqiptar i bëri gjatë një leksioni në “Imperial College”, në Londër.
Mes 6 mijë pyetjeve që i ishin drejtuar, shkencëtari përzgjodhi atë të studentit shqiptar që punon si inxhinier në Londër Elson Bajrakurtaj. Ky i fundit e ka postuar në rrjetin social “Facebook” pyetjen që i bëri shkencëtarit: “A mendoni që inteligjenca artificiale një ditë do të sundojë botën?”
Ndërsa Hawking u përgjigj: “Kompjuterët e dyfishojnë kapacitetin dhe shpejtësinë e tyre një herë në dy vjet mesatarisht, ndërsa qeniet njerëzore evoluojnë brenda mijëra vjetësh. Në këtë prizëm, mendoj se pas 100 vjetësh, inteligjenca artificiale do ta tejkalojë atë njerëzore. Dhe kur të vijë ajo ditë, unë shpresoj që ata të kenë të njëjtat qëllime me njerëzit”.
