Dy netë më parë, këngëtarja shqiptare me famë botërore, Dua Lipa, ishte përzgjedhur për të hapur një nga eventet më të mëdha të vitit në muzikë, MTV EMA, që u mbajt në Qendrën e Konferencave dhe Ekspozitës FIBES, në Spanjë.
Dua elektrozoi skenën teksa performonte këngën e saj më të re “Don’t start now” dhe e gjithë vëmendja ishte tek ajo.
24-vjeçarja u shfaq me një veshje shumë seksi, të bërë me porosi nga Mugler.
Mirëpo, e vutë re që veshja e Duas ishte në njëfarë mënyre “inspirim” nga një veshje e mëparshme e kunatës së saj, Bella-s?
I gjithë rrjeti po flet për getat që Dua veshi në MTV EMAs, të cilat ishin të njëjta me ato të Bella-s gjatë Javës së Modës në Paris.
Gjithashtu, pjesa e sipërme e veshjes së dy vajzave ishte thuajse e njëjtë dhe pse jo, Dua mund të ketë marrë ndonjë sugjerim nga kunata e saj, e cila është gjithmonë e informuar për modën dhe trendet e reja.
