Rita Ora njihet për stilin e saj unik dhe eksperimentimin me veshjet. Bukuroshja shqiptare ka guxuar po ashtu edhe me look-un e saj, duke u kthyer nga bjonde në brune.
Së fundmi u mbajt eventi i markës prestigjioze, “Chanel” ku Rita befasoi me pamjen duke u shfaqur me nje ndryshim goxha të madh.Vëmendje të madhe tërhoqi veshja e saj e markës franceze, e cila kushton plot 10 mijë e 300 euro. Këngëtarja mbante veshur një bluzë me vlerën prej 6550 eurove dhe pantallona që kapin shifrën rreth 5890 euro.
Rita Ora po përflitet ditët e fundit për një romancë të mundshme me regjisorin e famshëm të filmave, Taika Waititi. Fillimisht ishte Rita ajo që nxiti thashethemet për lidhje, pasi publikoi në rrjete sociale një foto me regjisorin. Të dy ata dukeshin shumë të afërt me njëri-tjetrin, teksa Taika i kishte hedhur duart në qafë Ritës. Madje të dy ishin veshur gati njësoj me rroba nga marka e famshme “Gucci”.
Sipas informacioneve, ata janë në lidhje prej më shumë se një muaji, ndërsa këngëtarja ka qenë në Sydney për spektaklin “The Voice”. Megjithatë dyshja nuk kanë bërë asnjë lloj reagimi në lidhje me këto lajme dhe pyetja që po i mundon fansat është: a janë apo jo bashkë Rita dhe Taika?
