Para përfundimit të 2020, ju kemi bërë me dije se “Vodafone Albania” po përballet me një lumë largimesh të klientëve, teksa po bën çmos për t’i mbajtur me pahir ata që duan të largohen, ende në kompaninën e tyre. (KLIKO) Madje burime jozyrtare na bënë me dije se të paktë 1,000 klientë kanë bërë kërkesë për tu larguar nga kjo kompani dhe të gjitha këto kërkesa janë lënë pezullur.
Ajo ç’ka po ndodh është se Vodafone vijon me mesazhe “promocionale” ndaj ish-klientëve, duke vijuar të përdorë pa të drejtë të dhënat e tyre. Në celularin e një qytetari që është shkëputur prej saj mbërrijnë ende mesazhe sipas së cilit ai mund të përfitojë ulje në e-Shop apo oferta të tjera të ndryshme duke qenë pjesë e “Vodafone”.
Padyshim kjo është pjesë e skemës së kësaj kompanie celulare për të “mbajtur me pahir ose rikthyer ish-klientët”, ndonëse të gjithë e dimë se ofertat dhe shërbimet e saj lënë shumë për të dëshiruar.
Së pari, ‘Vodafone’ po shkel rregullat dhe ligjet e tregut!
Një veprim i tillë padyshim shmang konkurrencën e drejtë në treg, pasi kjo nuk është thjesht e gabuar në planin moral dhe etik, por bie në kundërshtim të plotë me ligjin Nr.9918, datë 19.5.2008 (I ndryshuar) “PËR KOMUNIKIMET ELEKTRONIKE”. (LEXO KËTU TË PLOTË)
Së dyti, shkelja e privatësisë!
Tu dërgosh të tilla mesazhe qytetarëve që kanë shkëputur çdo kontratë e detyrim ligjor, përveçse një shkelje flagrante e etikës, standardeve profesionale, është shkelje edhe e ligjit të privatësisë nga ana e kompanisë ‘Vodafone’. Kjo kompani nuk mund të përdorë të dhënat personale të personave që telefonon dhe nuk ka asnjë të drejtë të ndërhyjë tek këto të dhëna.
Një gjë e tillë parashikohet edhe në LIGJIN Nr.9887, datë 10.3.2008 PËR MBROJTJEN E TË DHËNAVE PERSONALE (LEXO KËTU TË PLOTË),ku Neni 5 për “Mbrojtja e të dhënave personale” thotë se “Mbrojtja e të dhënave personale bazohet: në përpunimin në mënyrë të ndershme, të drejtë dhe të ligjshme; në grumbullimin për qëllime specifike, të përcaktuara qartë, e legjitime dhe në përpunimin në përputhje me këto qëllime.
Vlen të theksohet se kjo nuk është hera e parë që kompanitë celulare kryejnë të tilla shkelje. Rikujtojmë se si One, ashtu edhe Vodafone përdorin në mënyrë të padrejtë dhe të paautorizuar të dhënat personale të qytetarëve shqiptarë në telefonatat e tyre ku i ftojnë të bëhen pjesë e kompanisë One ose Vodafone.
Heshtja e vazhdueshme e AKEP!
Në mënyrë të qartë dhe në shumicë institucionet rregullatore të tregjeve Autoriteti i Konkurrencës dhe Autoriteti i Komunikimeve Elektronike dhe Postare që lidhet drejtpërdrejtë me çështjen, me veprimet dhe mosveprimet e tyre i shërbejnë interesave të tilla me shenja të qarta subjektivizmi dhe korrupsioni.
Është pikërisht Neni 7 i Ligjit Nr.9918, datë 19.5.2008 (I ndryshuar) “PËR KOMUNIKIMET ELEKTRONIKE” që e detyronAKEP-i që të nxisë konkurrencën efiçente për sigurimin e rrjeteve dhe të shërbimeve të komunikimeve elektronike, facilitetet shoqëruese dhe shërbimet e tjera. Në pikën b. të tij thuhet se AKEP ndërhyn për të mbrojtur interesat e përdoruesve të shërbimeve të komunikimeve elektronike, për të mbrojtur të dhënat personale dhe privatësinë e përdoruesve.
Madje në raste të tilla, si ky për të cilin po flasim, kërkohet ndërhyrja e menjëhershme e AKEP dhe në Nenin 6 të këtij ligji thuhet se:
1.Autoriteti i Komunikimeve Elektronike dhe Postare është organi rregullator në fushën e komunikimeve
elektronike dhe të shërbimit postar, i cili mbikëqyr kuadrin rregullator të përcaktuar nga ky ligj, nga ligji për
shërbimin postar dhe nga politikat e zhvillimit, të përcaktuara nga Këshilli i Ministrave.
2. AKEP-i është një person juridik, publik, jobuxhetor, i pavarur, i cili e zhvillon veprimtarinë në përputhje me
legjislacionin në fuqi. AKEP-i në punën dhe në marrjen e vendimeve brenda kompetencave të tij është i pavarur.
AKEP-i e ka selinë në Tiranë.
Mirëpo, sikundër ka bërë deri tani për çështjen e telekomunikacionit AKEP thjesht ka qëndruar në heshtje
