Bota e futbollit u trondit disa ditë më parë pas lajmit që u dha nga federata portugeze e futbollit, e cila informoi se Cristiano Ronaldo është infektuar me Covid-19.
Megjithatë, në njoftimin e tyre thuhej se Ronaldo është mirë dhe nuk ka asnjë simptomë.
Siç ndodh me të gjithë, ylli portugez i është nënshtruar sërish tamponit javën që lamë pas pasi kanë kaluar 7 ditë nga tamponi i parë dhe ka rezultuar sërish pozitiv.
View this post on Instagram
“El éxito en la vida no se mide por lo que logras, sino por los obstáculos que superas” ???
Ronaldo mungoi në përplasjen e Portugalisë me Suedinë dhe gjithashtu nuk ishte as në ndeshjen e Juventus ndaj Dinamo Kiev.
Tashmë ai duhet të qëndrojë në izolim për të paktën dhjetë ditë, teksa nuk do marrë pjesë as në ndeshjen kundër Barcelonës për Champions League që luhet më 28 tetor.
Mirëpo, gjatë gjithë kësaj kohe, mediat nuk kanë pushuar për telashet që mund t’i ketë hapur Ronaldo vetes me veprimet e tij.
Lajmi për infektimin e Ronaldos, në funksion të ndeshjeve të ardhshme të kampionatit dhe mbi të gjitha për debutimin në Champions League ka ngritur një kambanë alarmi në dhomat e zhveshjes së Andrea Pirlo dhe ka irrituar drejtuesit e Juventusit.
Klubi i Andrea Agnelli, përveç shqetësimit për shëndetin e tij, ka frikë nga pasojat ligjore pas vendimit të CR7 për të mos dëgjuar këshillat e marra nga lart. Pasi dy persona në kontakt me ekipin u prekën nga Covid-19, presidenti i Juventusit në fakt u kishte kërkuar të gjithë lojtarëve të tij që të mos iu përgjigjen thirrjeve ndërkombëtare. Por, Ronaldo u largua për në Portugali për të luajtur ndeshjet e Ligës së Kombeve.
Së fundmi, ministri për Sportin Vincenzo Spadafora ka thënë se Ronaldo ka shkelur protokollin e COVID-19 dhe se për të po zhvillohet një hetim.
“Në dalje, Ronaldo nuk e respektoi protokollin.Tani për tani, ne nuk kemi ndërmend të ndalojmë futbollin profesionist, por Seria A vendosi vetë një protokoll dhe më pas nuk e respektoi atë. Virusi po na frikëson të gjithëve, andaj rregullat duhet të respektohen nga të gjithë.Cristiano nuk e ka respektuar protokollin dhe po zhvillohet një hetim për këtë”.
