Të dielën e kaluar, moderatorja Ori Nebiaj hodhi një thumb të papritur në rrjete sociale, duke iu drejtuar njërës prej moderatoreve të reja të ekranit.
Ajo e quajti “shkarravinë” vajzën në fjalë, duke ngritur aludime të mëdha tek publiku.
“Pu pu pu. E diela në shtëpi përfundimisht një torturë për sytë nëse bën ‘zapping’ në televizor. Ca emisione shtërpë dhe tallava e ca shkarravina që bëjnë si moderatore, por që shkaktojnë dhimbje sysh dhe veshësh. Ndjesë për mllefin e sinqertë, por i ka jeta dhe këto”- shkruante Ori. (Lexo këtu)
Ori reagoi sërish në Instagram duke zbuluar me kë e kishte thumbin dhe në fakt s’na u duk tepër bindëse!
Ajo rrëfeu se deklarata e saj i dedikohej moderatores së famshme italiane, Barbara D’Urso, emisioni i së cilës transmetohet gjithashtu të dielën.
“Pu pu pu, ça paskeni qenë për içik thashethem! Me Barbara D’Urson e kisha dhe #barbaradursorizimin e mendjeve artistike. Si tha xhaxhi Jovan Bregu: Pse të djeg miza ty moj xhan pse?”- ka shkruar Ori.
Mirëpo, thumbat duket se s’do të mbesin me kaq.
Pak orë më parë, moderatorja ka publikuar në llogarinë e saj në Instagram një shprehje të marrë nga seriali i preferuar “Peacky Blinders”.
“Nuk e tërheq mbrapsht atë që thashë. Nëse e thashë, qëndron!”- janë fjalët në postim të cilat ndjekësit besojnë se i referohen sërish situatës me moderatoren, e cila mbetet ende “enigmë”.
