Kryeministri Edi Rama nuk ka bërë asnjë lëvizje në bordet e studentëve dhe nuk ka asnjë shkarkim nga puna.
Pak më herët u raportua se kreu i qeverisë kishte bërë një lëvizje të madhe për shkak të pakënaqësisë ndaj punës së drejtuesve të bordit në administrimin e studentëve.
Por ky lajm është përgënjeshtruar dhe burime për “OraNews”, e konfirmojnë këtë gjë.
Mbrëmë në “Top Show”, Rama shprehu pakënaqësitë e punës së drejtuesve të bordit në administrimin e studentëve, të cilët përfaqësojnë qeverinë dhe për këtë arsye ai tha se nëse do të ishte për të, do t’i shkarkonte të gjithë nga puna.
“Po të jetë për mua, unë i shkarkoj të gjitha’, tha kreu i qeverisë
Me sa duket, fjalën e thënë mbrëmë nuk e ka vënë në zbatim siç u raportua dhe Rama nuk ka dhënë asnjë urdhër për lëvizje të tilla.
