Një histori e dhimbshme u përcoll sot nga emisioni “Dua të të bëj të lumtur”, ku një djalë i ri i quajtur Dionis, kishte ftuar nënën e tij, Klementinën për ta falenderuar për të gjitha përpjekjet e saj.
Fatkeqësisht as Dionisi as mamaja nuk mund të shikonin, por pavarësisht kësaj ata vazhdonin të jetonin duke tejkaluar çdo pengesë.
Klementina ishte përpjekur me çfarë të mundej që djalit të saj të mos i mungonte asgjë. Pasi babai i Dionisit kishte ndërruar jetë ajo ishte detyruar që të bënte shumë punë, madje të shiste dhe gjakun e saj dy herë në muaj për të kaluar vështirësitë ekonomike.
Sipas Dionisit gjatë kësaj periudhe mamaja e tij ishte ndjerë shumë në stres dhe me kalimin e kohës kishte humbur plotësisht shikimin.
Kishin kaluar mbi 8 vite që Klementina e kishte humbur aftësinë e të parit dhe për të kujdesej Dionisi. Ai tregoi se dhe gruaja e djali i tij nuk mund të shikonin, por fatmirësisht Dionisit i ishte kthyer 14% e shikimit në njërin sy.
“Të faleminderit mama që je kujdesur për mua gjatë gjithë kësaj kohe dhe të faleminderit që kujdesesh për djain tim. Dua të të them që do kujdesem për ty gjithmonë e do të të jem pranë në çdo moment!”, ishte mesazh i Dionisit për nënën e tij.
