Java e kaluar s’ishte aspak e qetë për familjen Kardashian/Jenner, pasi Khloe i dha fund lidhjes së saj me Tristan Thompson, kur zbuloi flirtimin me shoqen e Kylie-t, Jordyn Woods.
Por pavarësisht dramës në familje, motrat Kardashian treguan përmes Instagram-it se lidhja mes tyre është më e fortë sesa kurrë.
Kourtney, Khloe dhe Kendall publikuan mbrëmjen e së hënës disa foto shumë joshëse.
“Qesh për kamerën”, shkroi Kourtney në postimin e saj.
Në një nga fotot dallohet Kendall dhe Khloe që prekin të pasmet e motrës më të madhe, e cila ka veshur të brendshme të zeza poshtë një fustani të tejdukshëm të mbuluar me kristale.
Ndërsa Khloe kishte veshur një trupore me gurë prej të cilës tregonte linjat, por jo të brendshmet. Kendall ishte ndryshe nga dy motrat e saj, me një fustan të kuq, geta të zeza, këpucë dhe dorashka të bardha.
Por pyetja është pse nuk ka dalë në foto Kylie, e cila ishte gjithashtu duke festuar me motrat e saj.
Gjithsesi këto foto vijnë si një mesazh për Tristan se çfarë ka humbur!
Burimi: Daily Mail
