“Iconstyle.al” zbuloi ditën e sotme se Lori Hoxha i besoi “Christian Dior” për dasmën e së motrës, duke zgjedhur një fustan të koleksionit para-vjeshtë 2018, i cili është prezantuar në janar të këtij viti.
Fustani i gjatë tyli në nuancën e grisë është i gjithi i mbuluar me xixa, ndërsa sipër vjen në formën e bustit me rripat ku shkruhet marka.
Fustani që veshi Lori është pjesë e koleksionit të dizajnuar nga Maria Grazia Chiuri, e cila u frymëzua nga shkrimtarja surrealiste, aktivistja dhe fotografja, Claude Cahun, që doli hapur në vitin 1920 si homoseksuale.
Faqja “Who What Wear” në “Instagram” ka zbuluar edhe çmimin e fustanit dhe duket se Lori nuk është kursyer aspak në këtëditë. Fustani kushton plot 18,000 euro ndërsa vathët 350 euro dhe janë të njëjtës markë.
Mirë pra, jo sa një shtëpi në qendër të Tiranës, por le të themi se me këtë shifër mund të arrish të bëhesh pronar i një shtëpie modeste në periferi.
Por edhe Alketa Vejsiu ka investuar goxha për fustanin e saj, në dasmën e Sarës dhe Ledionit. Alketa kishte zgjedhur një fustan të gjatë në ngjyrë të kuqe, i lidhur rreth qafës.
Për hir të së vërtetës, moderatorja duket tejet elegante dhe plot klas, me flokët e mbledhura topuz. Fustani i kuq i përket shtëpisë së modës “Alexander Mcqueen”, pjesë e koleksionit “Red Halterneck Gown” dhe kushton plot 3,275€.
