Presidenti i Federatës Kolumbiane të Futbollit, Ramon Jesurun dhe djali i tij janë arrestuar pas përfshirjes në përleshje, e cila ndodhi të dielën mbrëma në finalen e Copa Américas, e cila u mbajt në Miami. Sipas policisë, incidenti ndodhi pas ndeshjes së luajtur në “Hard Rock Stadium” në shtetin jug-lindor të SHBA-së.
Siç raportohet nga mediat e huaja, babë e bir sulmuan rojet e sigurisë që punonin në finale, të cilët kishin për detyrë të ndalonin tifozët pa biletë të hynin në stadium.
Jesurun dhe i biri i tij u panë duke hyrë më fushën e blertë, ndërsa më pas nisën të godisnin njërin prej zyrtarëve të sigurimit, i cili së bashku me kolegët e tij po merrej në ndalimin e njerëzve që të futeshin në fushë. Raportohet se Jesurun goditi me grusht drejtorin e sigurimit të stadiumit Jean Garoute.
