Në kaosin total në “Maracana”, me ultrasit dhe policinë që u përplasën në tribuna, zëri i Leo Messit kumboi shumë fort: “Të gjithë jashtë fushës”…
Ishte kapiteni i “vjetër” i Argjentinës ai që mori iniciativën për të rikthyer kombëtaren e tij në dhomat e zhveshjes, duke vonuar kështu fillimin e ndeshjes me gjysmë ore (më pas e fituar 1-0 nga “Albicelestët”).
Trazirat në tribuna filluan teksa po luanin himnet kombëtare dhe në një sektor të zënë nga 3000 ultras argjentinas të pranishëm, shumica prej tyre të përzier me publikun vendas, ku shpërthyen përleshjet me tifozët brazilianë.
Ndërhyrja e policisë për të ndalur kaosin në fakt e përkeqësoi atë, siç ndodh shpesh në këto raste, për të arritur më pas të rivendosë qetësinë Brenda stadiumit. Episodi kujtoi përleshjet në Copacabana gjatë finales së Libertadores midis Boca Juniors dhe Fluminense.
Nisur nga situata, lojtarët argjentinas u larguan nga fusha dhe u drejtuan nga vendi ku po ndodhte incidenti, ndërsa disa spektatorë argjentinas u vërsulën në fushë në kërkim të mbrojtjes nga shtypja e agjentëve. Në atë moment, kapiteni i kombëtares së “Albiceleste”, Lionel Messi, iu drejtua arbitrit, kilianit Piero Maza dhe me gjeste njoftoi se do ta largonte skuadrën nga fusha dhe me shokët e tij u nis drejt dhomave të zhveshjes për të pritur derisa situata të neutralizohej.
Gjesti i Lionel Messit pati një rëndësi të madhe dhe u komentua nga ai vetë pas ndeshjes në këtë mënyrë: “Ata godisnin njerëzit me shkopinj, ata ushtruan dhunë duke rrahur njerëz, referencë për policinë braziliane. Kishte lojtarë që kishin familje atje. Ju mendoni për familjen tuaj, nuk e di vërtet se çfarë po ndodh dhe je më i fokusuar në këtë sesa të luash. Kishte rrezik për masakër.”
