Një ngjarje e paprecedentë ndodhi gjatë natës në burgun e Sollicciano-s në Firence, të Italisë. Të burgosurit shqiptarë janë përfshirë në një sherr të dhunshëm me ata rumunë.
Sherri mësohet se nisi për zotërimin e territorit brenda burgut dhe situata u qetësua vetëm falë ndërhyrjes së forcave të policisë.
Sekretari i Përgjithshëm i Organizatës Sindikaliste të policisë së burgjeve, Leo Beneducci, në një njoftim zyrtar për mediat u shpreh:
“Së fundmi këto episode janë gjithnjë e më të shpeshta dhe burgjet po kthehen në tokën e askujt, ku rregullat e një bashkëjetese civile në respekt të rregullit e sigurisë janë zëvendësuar me një mbikëqyrje dinamike ndaj sherreve e sulmeve mes të burgosurave. Dhe çmimin më të lartë e paguajnë oficerët e policisë së burgut.”
Të burgosurit shqiptarë në burgjet italiane renditen të tretët në numër, pas atyre marokenë me 3740 të burgosur dhe rumunë me 2573 të burgosur.
Sipas të dhënave të drejtësisë italiane të përditësuar deri më 31 tetor të 2018-s, në Itali janë 20.189 të burgosur me shtetësi të huaj e të burgosurit shqiptarë përbëjnë 12.7 % të tyre.
