Pak javë pas hapjes së lokaleve pas karantinës, në ish-Bllok ka ndodhur një sherr i madh mes disa të rinjve që kanë përdorur karrige e gota për të goditur njëri-tjetrin.
Në një video që po qarkullon gjithandej në media, shihet një situatë mjaft e tensionuar mes disa të rinjve, të cilët janë ngritur nga tavolinat për t’u përplasur me njëri-tjetrin në një nga lokalet më të frekuentuar të qytetit.
Ende nuk dihet se cila qe arsyeja e sherrit apo nëse personat janë shoqëruar në polici për rastin, por pamjet e regjistruara nga lokali tregojnë karriget dhe tavolinat që “fluturojnë” mbi kokat e të përfshirëve në përleshje.
