Disa ditë më parë bëri bujë të madhe dasma e këngëtarit Erik Lloshi me partneren e tij, Rominën.
Ata shkëlqyen krah njëri-tjetrit dhe u bënë kryefjala e të gjitha mediave, mirëpo pas dasmës filloi të përflitej fakti se mikesha e ngushtë e Erikut, Anxhela Peristeri, nuk kishte qenë e pranishme në dasmë.
Të gjithë menduan se dy këngëtarët i kishin prishur marrëdhëniet mes tyre, mirëpo Eriku ka sqaruar gjithçka në një intervistë për “Treshat”.
“Unë dhe Anxhela Peristeri kemi qenë, jemi dhe do të mbetemi miq shumë të ngushtë. E dua shumë si shoqe dhe si kolege, por mbi të gjitha si mikeshë. Arsyeja pse Anxhela Peristeri, Aurel Thëllimi dhe disa shokë të tjerë të ngushtë, nuk kanë qenë prezent në dasmë ishte se kishin dhënë datat e tyre një vit më parë në punë dhe nuk i anulonin dot. Kjo është përgjigja për të gjitha portalet që kanë shkruar. Nuk ka asnjë sherr mes meje dhe Anxhela Peristerit, për këtë të jeni të sigurt”, -është shprehur ai, duke sqaruar njëherë e mirë zërat.
Kujtojmë se këngëtarja gjithashtu e uroi kolegun e saj në Instagram, me një video nga momentet e dasmës së tyre.
“Shumë suksese Erik Lloshi. Dashuria të frymëzoftë për këngë sa më të bukura!”- shkruante Anxhela krahas postimit që tashmë e ka fshirë nga profili i saj në Instagram.
