Vendi ynë tashmë i përket listës së 105 shteteve të goditura nga Coronavirusi, teksa deri tani janë identifikuar 10 të prekur.
Ndërkohë, më herët ministrja e Shëndetësisë Ogerta Manastirliu deklaroi se janë testuar 114 persona në total.
Masa të shumta janë marrë nga qeveria, e cila me anë të 2 mbledhjeve të kabinetit qeveritar bëri me dije vendimet urgjente.
Ndër ndihmat e shumta që po përdoren këto kohë është edhe telemjekësia, shërbimi mjekësor nga distanca, ku përmes përdorimit të telefonit mundëson shkëmbimin e informacionit ndërmjet mjekut dhe pacientit.
Ky shërbim në vendin tonë mundësohet nga Teledoc, ku mund të telefononi dhe të kontaktoni me mjekë të përgjithshëm, por jo vetëm.
“Teledoc është një kompani austriake prej një vitit në Tiranë. Ne ofrojmë një platformë me mjek të cilët u japin këshilla pacientëve. Pra pacientët mund të marrin direkt mjekun nëpërmjet një aplikacioni që është Teledoc global dhe mund të flasin 24 orë për shtatë ditë të javës në të gjithë vitin”, shprehet për Top Channel Besa Mulita, koordinatore e Teledoc.
Në vendin tonë ky shërbim përdoret nga 1000 qytetarë, të cilët marrin shërbimin e tyre duke u abonuar në kartat individuale dhe ato familjare.
Mirëpo, me mbërritjen e Coronavirusit në Shqipëri, kompania ka vendosur tu përgjigjet të gjithë qytetarëve falas, nëpërmjet aplikacionit ‘Teledoc global’,ku pasi ta keni shkarkuar, duhet të regjistroheni me e-mail në faqen Teledoc.global dhe do t’ju vijnë të dhënat për përdorimin e aplikacionit falas deri në dy javë.
“Me rastin e situatës kritike që ne po kalojmë Teledoc global ka vendosur një linjë falas për të gjithë personat të cilët mendojnë që mund të kenë simptomat e gripit. Në momentin që ata janë të shqetësuar mund të shkarkojnë aplikacionin Teledoc global të regjistrohen në faqen Teledoc global si dhe emailin e tyre më pas do t’iu vijnë të dhënat që mund ta përdorin këtë aplikacion falas pra pa pagesë. Kjo ofertë do të jetë për dy javë”, -shton Besa Mulita.
Në rastet kur gjendja shëndetësore e pacientit është e rënduar, ai mund të paraqitet në klinikën e Teledoc dhe të takojnë mjekët.
“E ruajmë njëri-tjetrin duke respektuar me rigorizitet mund të jetë asociale kjo që po them, por është e domosdoshme. Duhet të rrimë mbi 1 metër larg, mos frekuentoni asnjë ambient të mbipopulluar si lokale, bare, restorante dhe diskoteka dhe një ka gjërat e mira që ne ofrojmë janë telefonatat në Teledoc”, thotë Diana Hysi, mjeke.
Megjithatë, ju rikujtojmë se Ministria e Shëndetësisë ka vënë në dispozicion numrin e telefonit 127, ku mund të telefononi një rast se keni simptoma të tilla, si: ethe, temperaturë, kollë e thatë etj./ gazetareforma
