Të gjithë shqiptarët pritet të mblidhen në sheshin e Shën Pjetrit, në Itali, më 4 shtator për të qenë dëshmitarë të shenjtërimit të Nënë Terezës. Pasi Vatikani ka vërtetuar dy mrekullitë e saj, Gonxhe Bojaxhiu renditet si shqiptarja e parë e kanonizuar.
Gjatë një interviste për “News 24”, imzot George Frendo, tregon organizimin e kësaj dite aq të rëndësishme.
Sipas tij, të shtunën e 3 shtatorit do të mbahet një koncert në Bazilikën Papale të Shën Palit, ku do të marrin pjesë emra si Inva Mula, Ermonela Jaho, Ramë Lahaj, Rita Ora, Saimri Pirgu, Shkëlzen Doli, si dhe shumë kompozitorë shqiptarë të Operës.
Ndërsa dita e dytë, ajo e 4 shtatorit, do të rezervojë një fjalë përshëndetëse nga Papa Françesku në orën 10:00 dhe më pas edhe një përshëndetje nga Kardinali Amos, i cili është përgjegjës për shenjtërimin e saj.
Shqiptarja është pranuar si nëna e dashurisë dhe simboli i mëshirës dhe solidaritetit për njeriun e vuajtur, ndaj më 4 shtator ajo do jetë në vëmendjen e miliona njerëzve
