Disa persona kanë një marrëdhënie shume të keqe me lekët, saqë gjithmonë për ta thonë se “i kanë xhepat e shpuar”. Ndërsa disa të tjerë duket sikur kanë lindur për të qenë menazhues të mirë të lekëve. Ata ecin në bazë të një plani dhe nuk i shpenzojnë kurrë lekët kot. Por cilat janë shenjat e horoskopit të cilat kanë një raport të mirë me lekët?
Virgjëresha
Personat që i përkasin kësaj shenje janë llogaritarë të lindur. Nuk kanë nevojë për laps e letër. Nuk kanë nevojë as për makinë llogaritëse, pasi e kanë gjithçka të programuar në kokë. Virgjëreshat nuk i lejojnë vetes shpenzime të kota, prandaj dhe zgjedhin të kursejnë. Janë të kujdesshëm në menaxhimin e të ardhurave dhe nuk rrezikojnë kurrë të ngelin me xhepin bosh.
Demi
Paraja dhe demët kanë një marrëdhënie utilitare. Demi përdorë paratë, por edhe paratë e përdorin demin. Ka demë që përdoren shumë kollaj nga paratë, por pjesa më e mirë e tyre dinë si t’i menaxhojnë ato. Kursejnë në masë të moderuar, por njëkohësisht kënaqin nevojat e tyre të së tashmes.
Bricjapi
Kjo shenjë është një ndër më punëtoret e të gjithave. Janë gjithmonë me këmbë në tokë dhe u pëlqen të analizojnë çdo risk që mund t’u kanoset. Ata punojnë fort dhe mendojnë për ditë të vështira. Nuk shpenzojnë asnjëherë për gjëra pa vlerë.
