Kryeministri i vendit Edi Rama ka reaguar sërish për shembjen e Teatrit Kombtëar, por këtë herë duke replikuar në Twitter.
Ai i ka drejtuar një mesazh publik Edmond Budinës duke e konsideruar njeri të mirë, por përpos kësaj ai ka shtuar se nuk lidhje me autorësinë e punëve të zeza që e akuzojnë.
Reagimi i plotë i Edi Ramës:
“Dy fjalë njeriut të mirë Edmond Budina: Je në të drejtën tënde të vazhdosh të mendosh ndryshe nga Robert Ndrenika,Luftar Paja, Gëzim Kame,Viktor Zhusti,Ruzhdi Pulaha,Pirro Milkani,Albert Minga, Altin Basha e plot të tjerë,që janë historia e vjetër dhe e re e skenës kombëtare…
Je në të drejtën tënde të mendosh njësoj si partitë e atyre që s’kanë ngulur një gozhdë për artin,kulturën,teatrin e donin ta kthenin edhe TK në zgjatim të politikës së tyre me bishtin kular në këmbët e Shqipërisë,ku çdo punë e jona përbaltet me fjalorin ekstrem të vulgaritetit..
Por ty nuk të takon të shash,fyesh e shpifësh njësoj si ata e as nuk ke të drejtë t’i imponohesh vullnetit të qeverisë,bashkisë apo shumicës së komunitetit teatror, sepse sharjet e fyerjet s’janë art, shpifjet s’janë trashëgimi kulturore dhe demokracia nuk është teatër absurd…
Unë s’jam as shenjt e as i pagabueshëm dhe nuk ndal dot askënd të më pikturojë si djall, por unë kam lidhje autorësie me punët e zeza që më akuzoni,po aq sa ç’kanë lidhje me Shekspirin dhe Molierin ato partitë që u ngulën tek teatri si në sheshin e radhës për përsheshin e radhës!”
Godina e Teatrit Kombtëar është prishur ditën e sotme rreth orës 04:30 nga fadromat e Inspektoratit të Mbrojtjes së Territorit.
Aksioni për shembjen e Teatrit Kombëtar ka shkaktuar përplasje mes Policisë dhe mbështetësve.
