Gjendja alarmante për shkak të koronavirusit ka prekur edhe Shqipërinë.
Populli ka nisur të marrë masat e duhura për parandalimin e epidemisë, ndërsa për fat të mirë ende nuk është regjistruar asnjë rast pozitiv me virusin.
Shefja e epidemiologjisë, Eugena Tomini, ka deklaruar sot para mediave se në Shqipëri nuk rezulton ende asnjë person i infektuar me koronavirusin.
Ajo foli për shtimin e masave në pikat kufitare dhe përmendi gjithashtu kujdesin që duhet treguar për higjenën personale në ambiente publike.
Deri tani, Covid-19 i ka marrë jetën më shumë se 2700 personave, ndërsa 80 mijë të tjerë rezultojnë të infektuar.
Një lajm i mirë erdhi sot nga Vietnami, pasi të gjithë personat e prekur nga virusi arritën të shëroheshin. Sot, doli nga spitali personi i fundit i infektuar në Vietnam.
