Gjergj Leka nuk i shkel parimet e veta, as kur bëhet fjalë për të plotësuar dëshirat e shefave!
I ftuar në emisionin “Rreze Dielli”, kantautori i njohur tregoi një rast kur shefi i kishte kërkuar të fuste emrin e të dashurës në program, dhe ai thjesht kishte refuzuar.
“Unë kam mbetur ai që jam. Dua të mos kem një shef që të më thotë bëje këngën kështu siç them unë ose vëre çik emrin e dashnores time në program. Po, po më ka ndodhur vazhdimisht. Unë e lashë programin në RTSH vetëm se guxoi të më thoshte këtë një nga drejtuesit. ‘Vëre një çik këtë në program’, tha. Tët ëmë t’vej aty i thashë”, u shpreh Leka.
Ai shtoi se mund ta thotë dhe me emër, por nuk shkoi deri aty!
“E them dhe me emër po të doni. Parimet nuk i shkel. Jam i lirë të bëj ç’të dua në jetë dhe kjo nuk ka të paguar. Ndonjëherë, në ndonjë muaj nuk më del hesapi, se e di që harxhoj më shumë se sa fitoj”, përfundoi Leka.
