Shënim i përditësuar: Lidhur me përdorimin e Ibuprofenit (përbërës kryesor në medikamentin Brufen), Ministri i Shëndetësisë në Francë Olivier Véran ka udhëzuar që të shmanget pasi mund të agroavojë simptomat! Në rast temperature, udhëzohet përdorimi i paracetamolit.
Shefi i Urgjencave, Skënder Brataj nëpërmjet një postimi në Facebook ka dhënë këshilla të vlefshme për të gjithë.
Ai ka këshilluar qytetarët që të qëndrojnë për një periudhë në shtëpi dhe u thotë si ta trajtojnë Koronavirusin në kushte shtëpie.
Ai si fillim bën thirrje për të qëndruar të izoluar për 14 ditë dhe thotë se temperaturën duhet ta trajtojnë me paracetamol.
Më pas, nëse situata përkeqësohet duhet që personi i infektuaf të telefonojë 127 në mënyrë që të marrë mjekimin e duhur.
“Nëse keni ardhur nga një vend i prekur nga Koronavirus, ose keni qenë në Shqipëri në kontakt me persona të konfirmuar me koronavirus, jeni të lutur të qëndroni në shtëpi për 14 ditë. Çdo qytetar që në banesë do të shfaqë shenja dhe simptoma, të ndjekë këto këshilla. Nëse do të ketë temperaturë, të paktën për 2 ditë, mbi 38.5, është e këshilluar ta trajtojë atë me paracetamol, nga 500 deri në 1000 miligramë, për të rritur është 1000 miligramë.
Nëse pas dy ditës nuk kontrollohet temperatura, mund të përdorni brufen 400 apo 600 miligramë dhe mund ta bëni edhe nëpërmjet këshillimit me mjekun apo pediatrin. Nëse do të keni kollë, mund të përdorni shurupe të ndryshëm, që përdoren për qetësimin e kollës. Nëse do të keni dhimbje fytit, mund të përdorni spraj, propolis, gargarë, paracetamol apo brufen. Mund të përdorni edhe kompleks vitaminash. Lëngje frutash, çaj, ushqime të shëndetshme, fruta dhe perime.
Nëse do të keni vështirësi në frymëmarrje, jo nga paniku, atëherë merrni numrin 127 për t’u këshilluar me mjekun. Nëse do të përkeqësohet, mund të ketë nevojë për terapi me antibiotik që mund ta merrni nga mjeku i familjes. Nëse përkeqësohet merrni 127 dhe do vijnë ekipet për t’ju dërguar në spital. Nëse do të keni ethe, është një nga gabimet që bëhet duke i mbuluar me batanije, por do të thotë që në atë moment trupi porrit temperaturën për të luftuar mikrobin në organizëm, nuk duhet të mbulohemi por të zhvishemi dhe të trajtojmë rritjen e temperaturës.
Nëse temperatura është 39 apo 40, mund të përdorim edhe kompresat me ujë të vakët, sidomos tek fëmijët në rrëzën e kofshës, në sqetulla dhe ballë. Nëse do të keni diarre merrni loperamid, ose buskopan. Duhet të kujtoheni për protokollin e higjienës personale. Ruani qetësinë, jemi bashkë. Ajros ambientin, dezinfekto mobiliet, laji duart as amë shpesh, përdor maskën nëse jen në grup me njerëz. Ruaj distancën nga njerëzit. Simptomat do t’i trajtojmë së bashku, por nuk duhet të themi më shumë nga sa kemi sepse shkuarja në spital mund t’ju infektojë.”,- thotë Brataj
