U shit!
Shanna Moakler e ka shitur me sukses unazën e saj të fejesës nga Travis Barker për 96,500 dollarë pasi e nxori në ankand të premten e kaluar.
Unaza Cartier me prerje të rrumbullakët 4,01 karat mori 17 oferta në listën e “Worthy.com”, e cila nuke zbuloi identitetin e blerësit madh.
Përpara nisjes së ankandit, Moakler tha për “Us Weekly” se shpresonte të arrinte deri në gjashtë shifra për unazën.
“Shpresoj që të shitet për 120,000 dollarë. Ajo vlente rreth 160,000 dollarë”, tha Shaana.
Edhe pse Moakler e nxori unazën në ankand menjëherë pasi bateristi i “Blink-182” u martua me Kourtney Kardashian në Itali, ajo pohoi se vendimi për ta shitur nuk kishte të bënte me dasmën e tij.
“Jam e sigurt që njerëzit do të supozonin se ka lidhje me dasmën, por thjesht doja të gjeja një shitës të duhur. Worthy.com është më profesionisti dhe e di se do t’i kushtojë kësaj pjese vëmendjen që meriton,” shpjegoi ajo.
Moakler dhe Barker u fejuan në “Disneyland” dhe u martuan në vitin 2004 në një dasmë me temë “True Romance”. Temë kjo e cila u dëshmua si kunjë për Moakler kur Kardashian dhe Barker e përdorën filmin si frymëzim për një kostum Halloween-i.
Barker, 46, bëri kërkesë për divorc dy vjet më vonë, por dyshja u pajtuan dy herë përpara se të finalizonin ndarjen e tyre në 2008.
Ish-çifti ka djalin Landon, 18 vjeç dhe vajzën Alabama, 16 vjeç. Barker është gjithashtu i afërt me Atiana De La Hoya, vajzën e Moakler nga një lidhje e mëparshme.
