Pasiguria ushqimore është një problem i cili po shqetëson gjithnjë e më shumë qytetarët shqiptarë. Në një kohë ku mediat herë pas herë publikojnë skandale për cilësinë e ushqimeve që hamë çdokush ka mundësinë të provojë faktet.
Një rast tjetër i përdorimit të hormoneve është bërë publik nga gazetarja Fiori Dardha nëpërmjet një postimi të një fotoje në rrjetet sociale.
Ajo ka postuar një foto të një shalqiri i cili ka një pamje të pazakontë që nuk ngjan me asgjë normale. Mbi të, gazetarja e cila njihet për stilin e saj të drejtëpërdrejtë shkruajti:
“Po na vrasin! Zot, ku jetojmë! Mjerë ne! E të mendosh që ky shalqi është servirur si produkt organik nga shitësi. Tmerr!”.
Këto fjalë trumbetojnë më së miri gjendjen alarmante të përdorimit të lartë të hormoneve në Shqipëri dhe si duket ligji është ende larg së vendosuri në zbatim.
Sigurisht që rasti i Fjorit nuk është i veçuar dhe kjo gjë po rrezikon seriozisht jetët e njerëzve.
