Shakira është në kërkim të një dadoje për dy djemtë e saj, e duhet thënë se shuma që ofron është shumë e lartë. “Marcs” raporton se influencueri Jefferson Ferney konfirmoi se këngëtarja po kërkon të gjejë personin ideal për t’u bërë dado e fëmijëve të saj.
Mesa duket Shakira po ofron një pagë prej rreth 2350 dollarë në muaj, plus shpenzimet e udhëtimit. Oferta e Shakirës është dyfishi i asaj që fitojnë normalisht dadot me kohë të plotë në Miami, që është rreth 1070 dollarë në muaj. Sikur të mos mjaftonte kjo, dadoja e Milanit dhe Sashës do të jetojnë në rezidencën luksoze të Shakirës, që ndodhet në zonën ekskluzive të North Bay Road Drive.
Rezidenca ka gjashtë dhoma gjumi, një dhomë lojrash, spa, palestër dhe shtatë banja, sipas të njëjtit publikim. Krahas kërkesës për përvojë në kujdesin e fëmijëve, është një kusht parësor që këngëtarja e ka përcaktuar dhe ky është që personi i zgjedhur për t’u kujdesur për fëmijët e saj të mos ketë asnjë kontakt me shtypin, diçka që do të vërtetohej edhe me një kontratë konfidencialiteti.
Ende nuk dihet nëse këngëtarja kolumbiane ka gjetur tashmë personin e duhur për t’u kujdesur për Milanin dhe Sashën.
