Duket se Shakira do ta përndjekë, Gerard Pique-n edhe pas ndarjes. Mbrojtësi i Barcelonës, mund të përballet me “torturën” për të mbajtur të stampuar emrin e ish-it të tij në fanellën e klubit sportiv. Kjo pasi Fc Barcelona prej disa kohësh tashmë ka lidhur një marrëveshje më “Spotify”, i cili është sponsori i saj kryesor.
Ekipi spanjoll mbajti emrin e reperit kanadez Drake në pjesën e përparme të fanellave të tyre gjatë El Clasico-s së javës që lamë pas, i cili bëri bujë në gjithë botën. Tani, Spotify mund të vazhdojë të nxjerrë në pah artistë të suksesshëm herë pas here.
Sipas mediave spanjolle, një marrëveshje është shumë afër mbylljes, e cila do të konfirmojë Shakirën si një nga artistët e ardhshëm që do të shfaqet në fanellën e Barcelonës. Coldplay është një tjetër artist që po përflitet të jetë i përzgjedhuri i “Spotify” për tu shfaqur në fanellë.
Sakaq kujtojmë që këngëtarja kolumbiane është gati të publikojë këngën e saj të re, “Monotonia”, e cila duket se do të jetë një tjetër himn i ndarjes.
Kurse Pique dhe Clara Chia Marti kohët e fundit, e zhvilluan romancën e tyre, larg Barcelonës duke udhëtuar drejt Parisit. Dyshja u fotografuan shumë të afërt në një restorant në kryeqytetin francez, që më pas rezultoi që ishte i preferuari i Shakirës në Paris.
