Ditën e sotme, qeveria ka hequr masat kufizuese të Covid-19, duke publikuar planin e masave lehtësuese.
Sot, më 1 qershor, do të hapen plazhet vetëm për strukturat akomoduese, ndërsa më 6 qershor hapen plazhet për të gjithë qytetarët.
Mirëpo, pavarësisht hapjes së sezonit të plazhit, sinoptikanët nuk kanë lajme të mira për ne.
Sinoptikania Adiola Bami, nga Meteoalb, parashikoi motin për muajin qershor në “News24” dhe nuk kemi lajme të mira!
Ajo tregoi se në pjesën e parë të muajit qershor do të kemi paqëndrueshmëri të motit, ndaj bëni mirë që planet t’i shtyni për më vonë.
Pjesa e parë e qershorit do të ketë herë pas here reshje shiu, mirëpo në pjesën e dytë temperaturat do të arrijnë deri në 40 gradë Celsius.
“Edhe këtë javë do mbetemi në kushte të paqëndrueshme të motit. Reshjet do të vijojnë edhe pasditen e sotme, kryesisht në zonat malore. Edhe dita e martë parashikohet të mbetet e paqëndrueshme. E mërkura dhe e enjtja do na rikthejnë diellin, do kemi rritje të temperaturave, maksimumi deri në 24 gradë Celsius. Ndërsa, në fundjavë temperaturat do të mbërrijnë deri në 30 gradë. Por, edhe pse kemi rritje të temperaturave, do të kemi edhe reshje shiu, gjatë të premtes me rrebeshe, dhe në fundjavë në sasi më të paktë.
Megjithatë, kemi hyrë në stinën e verës dhe këto temperature nuk janë karakteristike. Pjesa e parë e muajit qershor, edhe pse do të kemi temperature 28-29 gradë, e ndonjë ditë edhe 30 gradë Celsius, do të kemi edhe prani reshjesh, duke bërë që të mos e kemi mendjen shumë te plazhi. Në gjysmën e dytë të qershorit do të mendojmë për plazhin. Gjatë korrikut temperaturat parashikohet të arrijnë në temperature 40 gradë celsius. Parashikohet një verë e nxehtë”.- u shpreh Bami.
