Majlinda Zeka dhe Majk i dhanë fund historisë së tyre të dashurisë para se të vinte në jetë djali i tyre, Roan. Pavarësisht se të ndarë Majk nuk ngurron asnjëherë që të tregohet i kujdesshëm ndaj Roanit dhe të jetë pranë tij sa herë që ai ka nevojë.
Roan tashmë jeton vetëm me nënën e tij, e cila është mjaft aktive në rrjetet sociale dhe publikon vazhdimisht foto të vogëlushit të saj, i cili shumë shpejt bën një vjeç. Mirëpo së fundmi Majlinda i ka hapur Roanit një profil në Instagram, të cilin e menaxhon ajo.
Por me sa duket Majk nuk ka qenë aspak dakort që i biri, i cili nuk ka bërë ende 1 vjeç, të ketë një profil të vetin në Instagram. Këtë e vërteton më së miri fakti se ai nuk e ndjek djalin e tij në Instagram.
Me sa duket problemet mes Majlindës dhe Majk do të jenë gjithmonë të pranishme për aq kohë sa ata nuk bien dakord për gjërat që kanë lidhje me djalin e tyre.
