Joe Manganiello kishte një shprehje tepër serioze teksa u pa për herë të parë që kur njoftoi divorcin nga gruaja prej shtatë vitesh, Sofia Vergara. Në imazhet e marra nga People Magazine, aktori 46 vjeçar doli në Los Angeles ndërsa mbante qenin.
Manganiello ishte i veshur me një jelek Pittsburgh me pantallona të shkurtra me model bande dhe atlete të bardha. Aktori i Spider-Man nuk ishte parë publikisht që nga lajmi i divorcit.
Ish-ët njoftuan divorcin e tyre më 18 korrik, duke thënë për Page Six se ata kanë marrë “vendimin e vështirë” për t’u ndarë. Në dosjen e divorcit, aktori përmendi “dallimet e papajtueshme” për ndarjen.
Dyshja kishin një marrëveshje paramartesore përpara se Manganiello të bënte kërkesë për divorc. Pasuritë dhe borxhet e tyre të përbashkëta do të ndahen në bazë të “kushteve të Marrëveshjes Paramartesore të palëve” dhe paramartesa e tyre do të përcaktojë mbështetjen bashkëshortore.
Sipas dosjes, aktorja ka lejuar aktorin e True Blood të mbajë Chihuahua-Pomeranianin e tyre 10-vjeçar.
Sipas një burimi të cituar nga People Magazine , Vergara është “e pikëlluar që martesa e saj nuk funksionoi, por gjithsesi ndihet shumë me fat”.
Ndërsa ish-et nuk e kanë bërë të ditur arsyen e ndarjes, një burim i tha Page Six se martesa e tyre përfundoi pjesërisht sepse ata nuk ishin dakord për temën e fëmijëve.
