Kush do ta mendonte se seriali “Game of Thrones” realizohet kaq pranë Shqipërisë. Muajin tjetër, ekipi i këtij seriali do të rikthehet në Dubrovnik.
Kroacia prapë bëhet një qendër e xhirimeve të serialit ndoshta më të shikuar momentalisht në botë. HBO do të rikthehet në Dubrovnik për të xhiruar disa pjesë për sezonin e shtatë të serialit.
Dubrovniku është shndërruar në Tokën e Mbretit në këtë serial.
Game of Thrones ka nisur në vitin 2011-të dhe që atëherë është shndërruar në një prej serialeve më dramatike. Gjithçka duket si fantazi në një botë “fiction”, me shumë vrasje dhe me shumë urrejtje, bazuar në novelën “A song of Ice and Fire” nga George R.R. Martin.
Seria i përshkruan ngjarjet e betejave të dhunshme mes familjeve fisnike të mbretërisë për të kontrolluar Fronin e Hekurt. Pas fillimit të serisë, dalin kërcënime të reja në Veriun e akullt dhe në kontinentin lindor Essos.
