Mediat serbe janë përfshirë në një debat të nxehtë, nacionalist ditëve të fundit, lidhur me një skulpturë simbol të Beogradit. Sipas “Dveri Srpske”, skulptura “Fitimtari i Beogradit“ (Beogradski Pobednik) mund të konsiderohet pastër një tradhëti e skulptorit të famshëm kroat, Ivan Mestrovic, i cili në këtë vepër të njohur ka gdhendur një shqiptar me plis.
Gazeta shkruan se ky është një mashtrim i madh që i është bërë popullit serb. Kjo media shkon edhe më tej duke shkruar se Mestrovici jo vetëm që ka punuar kundër serbëve, por edhe në të gjithë këtë histori ishin të përzier edhe Josip Broz Tito, Alojz Stepinac, komunistët etj.
Gazetari Jugoslav Kiprijanovic shkruan ndër të tjera se: “Nëse sheh me kujdes “Fitimtarin” nuk mund të mos vësh re fizionominë e pabesueshme të karakterit: ngjashmëri e dukshme me hundën shqiptare e tiparet e fytyrës shqiptare, ndërsa në kokë është ashiqare plisi!”
“Pra, ‘Fitimtari i Kosovës’ (siç e kanë quajtur para Luftës së Dytë Botërore), është shqiptari me plis si simbol i Beogradit! A është fjala për një tjetër mashtrim të kroatëve ndaj serbëve, gjykoni vet. Apo është fjala për traditën e raporteve të mira të Kosovës dhe Kroacisë për të cilën Jadranka Kosor ka folur në Prishtinë”, shkruan gazetari serb.
