Adriano – fronisti i “Love Story 2” – zgjodhi në dyshen finale Sellmën dhe Xhenin.
Të dy takimet ishin shumë romantikë dhe u duke se shkuan mirë, por Adriani vendosi të mos zgjedh asnjërën nga vajzat për të dalë nga programi për shkak të kohës së shkurtër që ai pati në program.
Kështu, ai vendosi që të largohet vetëm nga emisioni, duke thënë:
“Rrugëtimi im nga Love Story do jetë ashtu siç e tha Algerti, me dy valixhe me vete”.
Megjithatë, ai e la të hapur mundësinë për t’u njohur më shumë me Xhenin jashtë programit.
Adriano u bë pjesë e “Love Story 2” rreth një muaj më parë dhe pjesën më të madhe të takimeve e pati me Sellmën dhe Kleonën.
Takimin e fundit me Sellmën, Adriano e zhvilloi në Tiranë, ndërsa me Xhenin, në Milano e Como.
Rikujtojmë se Adriano jeton në Florida, por me origjinë është nga Durrësi.
“Kam mbaruar gjimnazin në Durrës, ku kam qenë pjesë edhe e skuadrës së futbollit të të rinjve të Teutës.Ndërsa studimet e larta Adriano i ka përfunduar në Amerikë.”- u shpreh ai në hyrje të prigramit.
Pas kësaj, ai ka hapur kompaninë e tij dhe drejton një kompani IT.
“Në jetën time nuk kam dashuruar kurrë një vajzë shqiptare apo të kem qenë në një lidhje serioze. Vjen një moment që ndoshta duhet ta provojmë dhe kjo është arsyeja kryesore përse unë jam këtu.” – tha më pas fronisti.
Mesa duket fati nuk e ka pasur që ai të gjente një vajzë në studio, por ndoshta tani që është larguar nga programi, mund të kërkojë dashurinë e tij jashtë kamerave.
