Selena Gomez postoi një foto që për pak do të kthehej në një mollë sherri mes saj dhe shoqes së ngushtë, Taylor Swift.
Këngëtarja e njohur kishte veshur një body Skims të Kim Kardashian në foton e publikuar në Instagram dhe fansat e Taylor Swift u çmendën kur e panë.
Kjo pasi për të gjithë ju që nuk e mbani mend, Taylor dhe Kim nuk flasin dhe janë “armike të betuara”.
Pasi vuri re komentet e fansave, Selena e fshiu foton dhe e zëvendësoi me një foto të vetes së bashku me mikeshën Taylor.
#SelenaGomez deleted her Skims Shapewear post after she received unwarranted backlash from Selenators and Swifties. She put up a new post stating how much she loves @taylorswift13. pic.twitter.com/HTFhWOsqwD
— Selenesrat (@selenesrat) October 28, 2019
Këngëtarja e ndreqi shpejt gabimin duke marrë parasysh faktin që Taylor Swift nuk e duron dot Kim Kardashian, pasi kjo e fundit i publikoi telefonatën private me Kanye West, duke e quajtur atë një gjarpër në Twitter!
Gjithçka nisi për një këngë të Kanye-s i cili i kushtoi disa vargje këngëtares Taylor Swift, dhe kjo e fundit tha se nuk e dinte që ai do të këndonte për të. Më pas Kim i publikoi telefonatën, ku Taylor ishte vënë në dijeni për vargjet e këngës.
