Ajo ka pasur shumë ulje ngritje gjatë karrierës, pas ndarjes së bujshme nga këngëtari Justin Bieber. Selena Gomez ka folur për herë të parë për ankthin dhe depresionin në të kaluarën.
Këngëtarja 24-vjeçare, po përjeton një romancë të re me reperin The Weeknd dhe po përflitet shumë për një marrëdhënie serioze mes tyre. Megjithatë para kësaj romance, jo gjithçka shkonte mirë për të.
Bukuroshja nga Teksasi, e cila ka pozuar për revistën Vogue, ka rrëfyer për pasojat që i la turneu i saj Revival, që e çoi deri në një kontroll në spital psikiatrik.
“Turneu është një vend me të vërtetë shumë i vetmuar për mua. U cenua vetërespekti im, hyra në depresion dhe kisha ankth. Fillova që të kem sulme paniku para se të dilja në skenë, ose menjëherë pas largimit nga skena. Në thelb ndihesha se nuk isha mjaftueshëm e mirë, dhe nuk isha në gjendje”.
“Ndihesha sikur nuk po ju jepja fansave të mi atë që doja dhe ata mund të shihnin vetëm atë që unë mendoja se ishte një shtrembërim i plotë. Isha mësuar që të performoja për fëmijët … Papritmas pashë fëmijë që pinin duhan në shfaqjet e mia, njerëz që ishin rreth të njëzetat dhe të tridhjetat dhe nuk dija çfarë t’u thosha”, tregon këngëtarja.
Pas 90 ditësh trajtim që e ndihmoi atë të shërohej nga ndjenja e vetëmohimit, ajo e mori veten dhe sot vazhdon të kalojë kohë me fansat e saj të rinj që e adhurojnë. Duke ju referuar ish-it të saj, të cilin nuk e përmendi me emër, ajo tha për Vogue: “Dikush me të cilin shoqërohesha, frustrohej shumë me mua, por unë e pata të vështirë për një kohë të gjatë t’u thosha “jo” fëmijëve si ai”.
