“Dashuria mbi gjithçka”, por nuk e prisnim ta shihnim këtë thënie të zbatuar nga çifti i këngëtarëve. Dyshja Selena Gomez dhe The Weeknd kanë hedhur hapin e radhës në marrëdhënien e tyre. Burime pranë tyre thonë se ata kanë filluar të bashkëjetojnë në një “vilë luksoze në zemër të fshatit Greenëich” në Nju-Jork.
Kjo do të jetë vetëm për pak muaj ama. Selena është duke xhiruar një film për Woody Allen në Nju-Jork, ndërsa The Weeknd do të vazhdojë pjesën e dytë të turit të tij “Legend of the Fall”, në Zelandën e Re, SHBA dhe Australi.
Sidoqoftë, ky hap është i rëndësishëm për Selena-n, e cila është mësuar të qëndrojë nëpër hotele kur punon në projekte të përkohshme. Kësaj here, ajo zgjodhi të shijojë qytetin me të dashurin përkrah.
Shtëpia që kanë marrë me qira është nga më të mirat e zonës. Ka tavane të lartë prej qelqi, ballkone xhami dhe kuzhina angleze. Qiraja mund të shkojë deri në 16,000 dollarë në muaj.
Kjo është hera e dytë që Selena bashkëjeton me partnerin e saj. E para ishte në vitin 2012, me ish-in Justin Bieber.
Burimi: Elle
