Ajo ende nuk është hapur për arsyen e ndarjes nga i dashuri i saj prej 10 muajsh, The Weeknd.
Por kjo nuk e ka ndaluar 25-vjeçaren Selena Gomez, që të ecë përpara, pasi u “kap mat” duke u shoqëruar me ish-in e saj, 23-vjeçarin Justin Bieber, për herë të KATËRT brenda kësaj jave. Për këtë kemi renditur 4 arsye: fillimisht takimi në shtëpinë e saj, më pas dreka vegjetariane, ndërsa tani dy rastet që flasin kaq shumë.
Këngëtarja ndoqi nga afër ndeshjen në hokej të ish-it, duke shprehur në këtë mënyrën mbështetjen për të.
Kujtojmë se dyshja ka qenë në një lidhje prej 5 vitesh para se të ndaheshin në 2016-n.
Pas ndeshjes dy këngëtarët u larguan me makinë, ndërsa Selena mundohej që të mbulonte fytyrën me duar.
Fansat u shokuan kur çifti u pa sërish bashkë javën e kaluar, pas ndarjes së dhimbshme të tyre një vit më parë. Në atë kohë u përfol se ai e tradhtoi atë me disa femra dhe më pas ai deklaroi se edhe ajo e kishte tradhtuar me Zayn Malik.
Më pas Bieber vendosi që të bënte një album me këngë të tilla si “Sorry”, për të kërkuar falje për sjelljen e tij. Gjatë promovimit të tij u shpreh se jeta e tij kishte ndryshuar tërësisht, pasi i ishte përkushtuar Zotit.
Flitet se mund të jetë ky ndryshim i Bieber që e ka bërë këngëtaren të bie sërish në krahët e tij.
Ditën e djeshme paradite dyshja u dallua duke shëtitur me biçikletë, biseduar dhe duke shijuar kafen së bashku.
Të dy u shfaqën shumë të lumtur dhe të qeshur, duke na dhënë më shumë besim se mes tyre ka diçka.
Por media TMZ shkruan se, mes Selena-s dhe Justin nuk ka asgjë më shumë se sa miqësi, ndërsa thuhet se ky bashkim mes tyre nuk ka asnjë lidhje me ndarjen nga The Weeknd.
Derisa e vërteta të zbulohet, ne presim takimin e radhës së çiftit.
Burimi: Daily Mail
