Mbrojtja nga dielli me ardhjen e pranverës nuk është e rëndësishme vetëm për djegien, por edhe për të parandaluar plakjen e parakohshme dhe kancerin e lëkurës.
Edhe pse kremi kundër diellit është një nga mënyrat më të mira për t’i bërë këto problematika, në fakt, produkti mund të ketë efektin e kundërt nëse nuk zgjidhni dhe përdorni të duhurin.
Zgjidhni një krem diellor SPF 30 me spektër të gjerë:
Ekspertët rekomandojnë kremra dielli me spektrin e gjerë me një faktor mbrojtës SPF 30. Numrat SPF që shikoni në produkt i referohet mbrojtjes nga rrezet ultraviolet B (UVB) nga dielli. Por, për ta mbrojtur veten jo vetëm nga djegia, por edhe nga plakja e parakohshme, duhet të keni parasysh dhe rrezet UVA. Për këtë, duhet të siguroheni që kremi i diellit të jetë me spektër të gjerë.
Aplikimi kur dilni jashtë:
Kremi duhet të vendoset 15 minuta para se të dilni jashtë. Është e rëndësishme që ta riaplikoni nëse qëndroni për shumë kohë jashtë çdo një orë.
Kohëzgjatja e kremit rezistent ndaj ujit:
Kur përdorni një krem dielli rezistent ndaj ujit, efektiviteti mund të zgjasë 40 deri në 80 minuta dhe pastaj do t’ju duhet të riaplikoni.
Sasia që aplikoni:
Disa kanë tendencë të përdorin shumë pak krem dielli, duke mos e aplikuar në zonën e caktuar. Ekspertët rekomandojnë që ai të aplikohet edhe tek pjesa e veshëve, buzëve.
