Më në fund, rikthehet emisioni “E diela Shqiptare”. “Klan” ka publikuar spotin e ri televiziv dhe zbulon se “E diela Shqiptare” do të nisë transmetimin në javën e parë të muajit tetor.
Dhe ndryshe nga sezonet e kaluara, emisioni nis në orën 12.30 dhe i zoti i shtëpisë, Ardit Gjebrea premton plot 7 orë transmetim LIVE.
Emisioni traditë i familjeve shqiptare çel siparin me rubrikën “Ka një mesazh për ty” në orën 12.30, ku shikuesit bëhen pjesë e programit duke i bërë një suprizë personave të dashur.
Ndërsa në orën 13.45, rikthehet rubrika e Blerina Bombajt “Ne jemi çfarë hamë”, do të sjellë për publikun këshilla për t’u ushqyer sa më shëndetshëm.
Ndërkohë që orën 14.00, do të transmetohet lotaria e përjavshme kombëtare me shorte direkte në studio dhe telefonata surprizë me shumë dhurata e njohur ndryshe “Telebingo Shqiptare”.
Erion Isai, Bes Kallaku dhe Olsi Bylyku vijnë për herë të parë nën logon e televizionit “Klan” dhe janë gati për të nisur rubrikën “B.E Caffe” në orën 16.00.
Pjesë e emisionit, vijon të jetë edhe Eni Çobani me rubrikën “Shihemi në Gjyq” si gjithmonë në orën 17.00.
Dhe në orën 18.00, krahas moderatores Bora Zemani, Ardit Gjebrea do të prezantojë konkurentët e rinj të Këngës Magjike!
