Dy ditë më parë, televizioni “Vizion Plus” njoftoi se do të rikthejë emisionin tonë të preferuar.
Bëhet fjalë për emisionin “Nga e para” i cili rrëmbeu zemrat e të gjithë shqiptarëve me misionin e tij për të rindërtar shtëpitë e njerëzve në nevojë, për t’i shndërruar ato në shtëpi luksoze dhe me hapësirë të mjaftueshme për të jetuar.
E ndërkohë që në sezonet e tij të para ka qenë vetë Valbona Selimllari ajo e cila moderonte emisionin, ish-miss Shqipëria është zëvendësuar me një tjetër emër të njohur të ekranit.
“Nga e para” do të rikthehet me moderatore Anila Çelën. “Vizion Plus” e ka konfirmuar lajmin në faqen zyrtare, duke zbuluar se rikthimi do vijë me disa ndryshime të vogla.
Anila Çela ka drejtuar deri në këtë moment programin “Pasdite në Vizion Plus” dhe ka një karrierë të gjatë në këtë televizion.
