Ndërsa në Shtetet e Bashkuara për gabime të tilla bëhet nami, këtu duket e largët dita kur do të ketë protesta për përvetësim kulturor. Ndonëse komuniteti rom vidhet pafund nëpër produksionet e muzikës të frymëzuara nga tallavaja, çështje të tilla kalojnë thuajse pa u vënë re nga publiku shqiptar.
Disa foto të Kidës ku shfaqet me gërsheta afrikanë dhe lëkurë shumë të errët duke e shkruajtur edhe në përshkrimin e fotos: “Africana” kanë bërë të revoltohen disa ndjekës të saj jashtë Shqipërie, pikërisht për shkak të fenomenit të përvetësimit kulturor.
Kujtojmë se pasi u shfaq me një ton shumë të errët të lëkurës në Met Galanë e vitit të kaluar, Selena Gomez u kritikua fort për të njëjtën gjë dhe grimieri i saj Hung Vanngo u detyrua të shpjegonte se nuk po tentonte ta bënte Selenën të dukej si njeri me ngjyrë, por thjesht ashtu e kishte perceptuar look-un.
Çështja është se trendi i lëkurës së errët si vajzë afrikane ka hyrë fuqishëm në Shqipëri dhe Zot i madh, sikur këtu të kishte reagime në lidhje me këtë do ishte bërë nami.
Nora Istrefin mund ta ngatërrosh lehtësisht me një afrikane në të shumtën e rasteve.
Xhensila dukej shumë e errët tek koncerti në shesh të enjten.
Fjolla Morina është një e përhershme me këtë look.
Madje edhe Luana, e cila është bjonde, u shfaq më e errët se çdo herë tjetër në shërbimin e fundit fotografik.
Çështja është se për vajzat tona, më shumë se një dëshirë për të ngjarë si afrikane, duket të jetë një trend i thjeshtë makeup- i nga ata që vijnë e përhapen me shpejtësine e dritës.
