Nëse ka një fustan që do ta shohim shpesh këtë verë, është ai më i rehatshmi që ju kanë zënë sytë.
Në faqet online mund ta gjeni me emrin “Utility dress”, por ne mund t’i refrohemi si fustani sportiv me xhepa katrorë në pjesën e përparme.
Ky fustan është veshur nga një sërë të famshmesh shqiptare dhe të huaja dhe nuk flasim kot kur themi se do ta shihni shpesh në Instagramin e fashionistave.
Në fillim ishte Kim Kardashian ajo që solli versionin me mëngë të gjata dhe në ngjyrë të kaltër, aq të kërkuar online.
Një fustan të ngjashëm ia pamë këngëtares shqiptare Kida, në një postim në Instagram, ku duket mjaft në formë.
Sofia Richie sjell versionin me mëngë të shkurtra të fustanit sportiv dhe me rrip mesi, në ngjyrë jeshile ushtarake.
Ndërsa Lori Hoxha preferon stilin pa mëngë për verën e nxehtë.
Liberta Spahou gjithashtu ka risjellë versionin më të këndshëm të fustanit sportiv në formën e një xhakete ngjyrë jeshile neon.
Nëse po e vrisni mendjen për pjesën e kombinimit, ne po ju themi se nuk ka rëndësi nëse vishni ose jo taka. Ky model fustani shkon me çdo gjë, nga atletet te sandalet, apo çizmet deri te kyçi i këmbës.
