Megan Fox dhe Machine Gun Kelly kanë vendosur ta vendosin lidhjen e tyre në një “pauzë” dhe të shtyjnë përkohësisht përgatitjet për dasmën e tyre. Siç tregon një burim për US Weekly: “Megan dhe Machin janë aktualisht në një pushim, por ata janë ende në kontakt. Jo nxehtë, por as ftohtë.”
Çifti u fejua në janar të vitit 2022, por deri vonë nuk kishin caktuar datën e martesës. Mirëpo, i njëjti burim thekson se dasma do të zhvillohet normalisht dhe nuk do të anulohet.
“Ata e kanë lënë në pritje planifikimin e dasmës për të punuar në çështjet e tyre. Marrëdhënia e tyre është mjaft e paqëndrueshme për momentin. Nuk po funksionon mes tyre për momentin, por ata ende po i dërgojnë mesazhe njëri-tjetrit”, tha ai.
Një tjetër burim pranë tyre, i cili së fundmi kishte folur për lidhjen e tyre, e kishte cilësuar situatën mes tyre si “të çorientuar”. Çifti duket se po kalon një krizë. Fillimisht, thashethemet thonin që artisti kishte tradhtuar Megan Fox. Mirëpo, ato u përgënjeshtruan nga ajo pak kohë më vonë, me një postim në llogarinë personale në Instagram. Mirëpo asnjëri prej tyre nuk ka folur hapur deri më tani për arsyet e gjithë kësaj.
