Sikundër na njoftoi pak ditë më parë mbrëmjen e sotme publikohet pjesa e parë e dokumentarit të Loredanës, ku do hidhet dritë mbi marrëdhënien e saj dhe Mozzik.
Së fundmi, në rrjetet sociale është publikuar edhe traileri i kësaj pjese ku Mozzik dhe Loredana shfaqen në momentet e tyre më të bukura, që nga shtatzënia e reperes deri tek lindja e Hanës dhe ditët e sotme.
Ndër të tjera, Loredana shprehet se nuk beson se do dojë dikë si Mozzik. “Mendoj se ndoshta s’do kem më asnjë (partner) tjetër në jetën time.”-thotë ajo.
Kurse autori i hitit “Madonna” thotë se gjithnjë ka dashur të martohet që i ri. “Kam qenë njëri prej të rinjve që kam patur dëshirë që të gjejë dikë dhe të martohem sa më shpejt.
Për të shuar kuriozitetin e plotë rreth marrëdhënies së tyre duhet të presim orën 20:00.
Artistja ka treguar se ka punuar 1 vit për këtë dokumentar në bashkëpunim me Spotify dhe ai hedh dritë mbi të gjitha zhvillimet në jetën e saj personale dhe profesionale të këtyre 2 viteve.
Ndërkohë, ajo shkroi në statusin që ndau me ndjekësit në rrjetet sociale pak ditë më parë se të gjithë menduam se ishte fundit i saj, por në fakt ky është fillimi.
Thjesht nuk është e mundur të shpjegosh 2 vitet e fundit të jetës në një intervistë, por t’i përshkruash ato me foto po. Ky është traileri për dokumentarin tim me katër pjesë që kam xhiruar me Spotify për më shumë se 1 vit. Shumë mendojnë se udhëtimi im tashmë ka mbaruar, por ai sapo ka filluar.
View this post on Instagram
Loredana po ashtu ka përgatitur një album të ri, me të cilin pritet të bëjë bujë të madhe në dhjetor, të titulluar “Medusa”.
Ajo ka publikuar intron e tij, që duket se është një nga pjesët më të rëndësishme dhe të fuqishme të albumit. Reperja rrëfen në intro se “Medusa” flet për 18 muajt e fundit të jetës së saj dhe gjithë teksti tregon shumë për të, përfshirë edhe raportin me Mozzik.
Deri tani janë publikuar 3 këngët e para të albumit, teksa pjesë e tij është edhe një këngë me Mozzik.
