Modeli Younes Bendjima, ish-i dashuri i Kourtney Kardashian, postoi në Instagram një pjesë nga një bisedë e tij me Scott Disick, i cili po ashtu ka qenë ish-partner i Kourtney-t.
Disick i kishte dërguar Bendjima-s një foto në të cilën Kourtney shfaqej duke u puthur me partnerin e saj aktual, Travis Barker, në një varkë.
“Hej, a është mirë kjo vajzë?!!! Mik çfarë është kjo. Në mes të Italisë”, i shkruan Scott modelit të njohur.
“Nuk ka rëndësi për mua për aq kohë sa ajo është e lumtur. P.S. Nuk jam miku yt”, ia ka kthyer Bendjima.
Në një tjetër postim, Bendjima shtoi: “S’mund ta anashkaloja këtë. Ka bërë budallallëqe për shumë gjatë, u lodha duke qëndruar i heshtur dhe duke qenë djali i mirë.”
Edhe pse Kourtney nuk ka folur ende publikisht për këtë ngjarje, burime pranë saj kanë treguar se ajo e di se Scott e ka ende të vështirë që të pranojë dashurinë e saj me Travis.
“Ajo thjesht dëshiron që ai ta dijë më mirë përpara se ta merrnin vesh të gjithë njerëzit nga Younes. Younes nuk mund të besohet kurrë dhe Scott e di këtë gjë”, është shprehur një burim pranë saj.
Burimet kanë thënë se Kourtney-t nuk i intereson se çfarë mendon Scott për lidhjen e saj të re apo si e bën ajo jetën e saj.
“Ajo nuk do të ndryshojë mënyrën se si vepron dhe do të vazhdojë ta shijojë udhëtimin. Ajo e di që Scott ka kaluar një moment dobësie dhe se ka bërë diçka të nxituar për të cilën do të pendohet”, ka thënë burimi.
Ndërsa për Younes njerëzit pranë saj kanë thënë se Kourtney nuk e beson atë dhe qëllimet e tij, ndaj është distancuar që nga momenti që është ndarë.
