“Bashkëfajtore”! Kështu cilësohet vajza e presidentit të SHBA-ve, Ivanka Trump, në një video humoristike të emisionit të famshëm, “Saturday Night Live”.
Të shtunën më 11 mars, e ftuara kryesore Scarlett Johansson u bë pjesë e një parodie publicitare, që në qendër të tij vendos vajzën e Donald Trump.
Në këtë skeç ajo promovon parfumin e ri të Ivanka-s, të quajtur “Complicit”, e cila i drejtohet asaj në formë akuze, pasi mbart kuptimin në shqip të fjalës “bashkëfajtore”.
Ajo është e bukur, e fuqishme, bashkëfajtore thuhet në zërin në sfond të videos që shoqëron Scarlett-Ivanka-n në një festë.
Në një moment aktorja drejtohet nga pasqyra, ku shëmbëllen imazhi i Donald Trump.
Parodia përfundon me fjalinë: “Complicit”, parfumi për femrën që mund të ndalojë gjithçka, por nuk do”.
Burimi: E!Online
