Sara Hoxhën, që deri më tani të gjithë e njihnim si partneren e reperit Ledri Vula, do ta mbajmë mend gjithashtu edhe si konkurrenten e “Dancing With the Stars”. Sara është një prej konkurrenteve të kësaj gare që ka surprizuar jurinë dhe publikun. Ajo ka treguar se ka talent në kërcim dhe natën e parë i habiti të gjithë me performancën e saj.
Por me sa duket Sara ka disa ‘ankesa’ për jurinë e spektaklit të kërcimit, të paktën kështu ka lënë të kuptohet.
Gjatë një bisede virtuale në Instagram, një ndjekës i shkruan Sarës: “Ti këmbët po i lodh dhe po kërcen super bukur, po ajo juria s’po sheh gjë më duket.” Ndërsa blogerja i është përgjigjur duke shkruar: “Po pra hë”, shoqëruar me një emoji.
Një tjetër pyetje që iu drejtuar Sarës në lidhje me “Dancing With the Stars” është edhe mendimi i partnerit të saj, reperit Ledri Vula.
E pyetur se çfarë i ka thënë Ledri, Sara zbuloi edhe kushtin që ai i kishte vënë.
“(Më ka thënë) Mos hajde në shtëpi pa kupë” dhe s’ka faj se ai i ka rreshtuar të vetat”– shkruan Sara.
Duket tepër e zhdërvjellët në skenë sikur të kishte kohë që praktikonte kërcimin, mirëpo për të arritur këtë rezultat i është dashur tepër punë konkurrentes. Vetë Sara ka treguar më herët në një postim në InstaStory sakrificat që i duhet të bëjë gjatë pjesëmarrjes në spektaklin e kërcimit.
Këmbët e saj janë bërë “copë”, siç e tregon më së miri kjo foto:
“Dikush të më ndihmojë”- shkroi Sara krahas postimit.
Megjithëse nata e parë rezultoi një sukses për të, Sara tregoi se nuk kishte dashur që partneri i saj Ledri të ishte prezent në publikun në studio. Kjo pasi kishte patur tepër emocione dhe nuk donte akoma më shumë të tilla, duke patur edhe Ledrin në publik.
