Komo e Italisë është mbushur sot nga emrat më të njohur të ekranit shqiptar, te cilët ndodhen aty për një qëllim: për dasmën e Ledion Liços dhe Sara Hoxhës.
Fillimisht u zhvillua ceremonia e betimeve dhe Sara u fotografua për herë të parë me fustanin e bardhë të nusërisë.
Fotot e publikuara nga “Blitz”, tregojnë Sarën duke iu drejtuar altarit me një fustan saten zhapone, i cili vjen i ngushtë në pjesën e bustit dhe fryhet në pjesën e poshtme.
Ajo ishte e mbuluar nga një vello të gjatë, që kishte detajet e dantellës.
Sara dhe Ledioni i thanë “Po” njëri-tjetrit buzë liqenit, ndërkohë që detaji që na bëri përshtypje ishte se Sara preferoi të shkonte e vetme në altar, pa shoqërimin e askujt.
Në këto momente raportohet se festa e madhe po mbahet në “Villa Erba” dhe për këtë Sara ka zgjedhur një fustan komplet ndryshe.
Fustani i dytë i nusërisë është bust dhe i mbuluar i gjithi me detajet e tylit e dantellës.
