Të gjithë jemi në pritje të fotove të dasmës së Sara Hoxhës, për të cilat dhe vetë motra e saj Lori tregoi se ndodhej në të njëjtën situatë.
Të vetmet foto që postoi fashionistja shqiptare nga ditët më të rëndësishme e së motrës, 10 dhe 11 gushti, ishte ajo me kostumin e kuq dhe fustanin me xixa.
Këtë të fundit ajo e publikoi vetëm më 31 gusht, por pa dhënë asnjë detaj se cilën markë kishte zgjedhur.
“Iconstyle.al” arriti të zbulonte, se cilës shtëpie mode i përket fustani që Lori veshi ditën e martesës së Sarës.
Ajo i besoi “Christian Dior” duke zgjedhur një fustan të koleksionit para-vjeshtë 2018, i cili është prezantuar në janar të këtij viti.
Dhe për të dalluar më mirë se bëhet fjalë për të njëjtin fustan, mjafton të shikoni shkrimin te rripat e fustanit të Lori Hoxhës.
Fustani i gjatë tyli në nuancën e grisë është i gjithi i mbuluar me xixa, ndërsa sipër vjen në formën e bustit me rripat ku shkruhet marka.
Nga kërkimet, “iconstyle.al” dalloi se i njëjti fustan është veshur edhe nga modelja Irina Shayk në fillim të muajit korrik, për të pozuar në revistën “Hola Spain”.
Fustani që veshi Lori është pjesë e koleksionit të dizajnuar nga Maria Grazia Chiuri, e cila u frymëzua nga shkrimtarja surrealiste, aktivistja dhe fotografja, Claude Cahun, që doli hapur në vitin 1920 si homoseksuale.
Ky koleksion i “Dior” vjen si një kujtesë për fuqinë e femrës, ndërsa në të ndërthuren elementët femëror dhe mashkullor.
Këtë zgjedhje Lori mund ta ketë bërë edhe për mesazhin që dëshironte të përcillte.
Burimi: Iconstyle.al
*Ndalohet kopjimi dhe ribotimi pa lejen e redaksisë.
